ya mujhe afsar-e- shaahaa na banaaya hota

yaa mujhe afsar-e-shaahaa na banaayaa hotaa 
yaa meraa taaj gadaayaa na banaayaa hotaa 


Khaak_saarii ke liye garache banaayaa thaa mujhe 
kaash Khaak-e-dar-e-jaanaa.N na banaayaa hotaa 

nashaa-e-ishq kaa gar zarf diyaa thaa mujh ko 
umr kaa tang na paimaanaa banaayaa hotaa 

apanaa diivaanaa banaayaa mujhe hotaa tuune 
kyo.n Khirad_mand banaayaa na banaayaa hotaa 

sholaa-e-husn chaman me.n na dikhaayaa us ne 
varanaa bul_bul ko bhii paravaanaa banaayaa hotaa 

roz-e-mamuuraa-e-duniyaa me.n Kharaabii hai 'Zafar' 
aisii bastii se to viiraanaa banaayaa hotaa 

Wohi Aahtein Dar O Baam Pr

wohi aahtein dar o baam pr wohi rat jagon k azab hain


wohi adh bujhi meri neend hai wohi adh jalay mere khwab hain
mere samny ye jo kehkshaon ki hai dhund had e nigah tak
pray iss k janay hqeeqtein hain ya hqeeqton k sraab hain


Kbi chaha khud ko smetna to bikhar k or bi reh gya
hain jo kirchi kirchi pary huway mere samnay mere khwab hain


ye na pooch kaisy basar kiye shab o roz kitne pehar jiye
kise raat din ki tmeez thi kise yad itnay hisab hain

Tamanna Kiyay Baghair

                Shayed khushi ka daur bhi aa jaye ek din 

         Gham bhi to mill gaye thay tamanna kiyay baghair

Kabhee Aabad Karta Tha

 Kabhee Aabad Karta Tha .


Kabee Barbaad Karta Tha .


Sitam Woh Roz Ik Naya Ijad Karta Tha .


Zamana Hogaya Leykin Khabar Lene Nahi Aaya .


Woh Jo Panchi Roz Mairay Naam Par Aazad Karta Tha 

be-sakhta

                                    Tu badalta hai to be-sakhta meri aankhen

                       apnay haaton kee lakiron mein ulaajh jaati hain.            

Na main tumse koi ummeed rakkhoon dilnawazi ki

Na main tumse koi ummeed rakkhoon dilnawazi ki
Na tum meri taraf dekho galat andaaz nazaron se 
Na meri dil ki dhadkan ladkhadaaye meri baaton se 
Na zaahir ho tumhaari kashmakash ka raz nazron se


Tumhein bhi koi uljhan rokti hai pesh-kadami de
Mujhe bhi log kahte hain ye jalwe paraye hain !
Mere hamraah bhi ruswaaeeyan hain mere maazi ki
Tumhare sath bhi guzree huyi raaton ke saaye hain


Taarruf rog ban jaye to usko bhoolnaa behtar,
Taa'alluq bojh ban jaaye to usko tidnaa achchhaa
Wo afsaanaa jise anjaam tak laana na ho mumkin
Use ek khoob soorat mod dekar chhodnaa achchhaa 

Usay Kehna..

Us simt chalay ho to bas itna usay kehna,

Ab koi nahi harf-e-tamana usay kehna..

Duniya to kisi haal mein jeenay nahi deti

Chahat nahi hoti kbi ruswa usay kehna

Us ne hi kaha tha to yaqeen maine kiya tha

Umeed pe qayim hai ye duniya usay kehna

Zarkhaiz zameenain kbi banjar nahi hotin

Darya hi badal letay hain rasta usay kehna.

Kuch loog safar k liye mozoon nahi hotay,

Kuch raastay kat'tay nahi tanha usay kehna..

عذاب سفر

یه کون پهر سے انهی راستوں په چهوڑ گیا؟

ابهی ابهی تو عذاب سفر سے نکلے تهے

محبت نہیں رہی

وہ سلسلے ، وہ شوق ، وہ نسبت نہیں رہی
اب زندگی میں ہجر کی وحشت نیں رہی
ٹوٹا ہے جب سے اُس کی مسیحائی کا طِلسم
دل کو کسی مسیحا کی حاجت نہیں رہی
پھر یوں ہوا کہ کوئی شناسا نہیں رہا
پھر یوں ہوا کہ درد میں شدت نہیں رہی
پھر یوں ہوا کہ ہو گیا مصروف وہ بہت
اور ہمیں یاد کرنے کی فرصت نہیں رہی
اب کیا کسی کو چاہیں کہ ہم کو تو ان دنوں
خود اپنے آپ سے بھی محبت نہیں رہی

Hasrat-E-Deed Mein Guzraan Hain Zamaney Kab Se

Hasrat-e-deed mein guzraan hain zamaney kab se

Dasht-e-umeed mein gardaan hain dawaney kab se

Der se ankh mein utra nahin askhon ka azaab

Apne zimey hain tera farz najaney kab se

Kis tarah paak ho be-arzu lamhon ka azaab

Dard aya nahin darbaar sjanaey kab se

Sar Karo saaz ke cherrein koi dil sooz ghazal

Dhoondta hai dil-e-shoreeda bahaney kab se

Pur karo jaam ke shayed ho isi lahta rawaan

Rok rakha hai jo ik teer kazzaa ne kab se

Faiz phir kab kisi maktal mein karain ge abad

Lab pe veeran hain shaheedon ke fasaney kab se

********Aaftab*********

Aaftab Wohi Per Roshni Nai
Alfaaz Wohi Per Mayni Nai
Shamma Wohi Per Mehfil Nai
Parwana Wohi Per Aashqui Nai


Mohabbat Wohi Per Jazbat Naye
Baat Wohi Per Waade Naye
Himmat Wohi Per Iraade Naye
Gulshan Wohi Per Phool Naye


Dost Wohi Per Dosti Nai
Phool Wohi Per Khushboo Nai
Khawab Wohi Per Tabeer Nai
Shakal Wohi Per Tasveer Nai


Karwan Wohi Per Rahi Naye
Baraat Wohi Per Barati Naye
Chand Wohi Per Chandni Nai
Eid Wohi Per Khushiyan Nai


Sonch Wohi Per Sawal Naye
Zindagi Wohi Per Saal Naye
Pyar Wohi Per Ahsaas Naye
Kwahish Wohi Per Khayal Naye

Kabi Baarish Saja Dena

Barasti boond chun chun kr

koi gajra bana dena

mere hathon me

balon me

kabi baarish saja dena

ksi khushbo ka an'dekha sa aanchal

oorh lon ser se

gulabo

kuch lamhy ko tum

mujhe apni adaa dena

wo mere hath pr honton ko rakhy

pyas k dukh me

isi khatir hatheli pr

koi daria bana dena

bikharti dhop se chehre

main behty aab pr dekhon

zara paani me apne aks ka manzar mila dena

main bhar lon hath ka piyala

sunheri dhop kirno se

mere soraj ko darya k

kinary pr bula dena

usi k hath rakh dena

baharon k sabhi mosam

mujhe titli k per dy kr

baharon ki dua dena

meri ankhain jaga k tum

jo mere khwab parhty ho

suno !

jany se kuch pehle

meri ankhain sula dena

Lafzon Se Darta Hon

Na Khaaif Hon Main Nishtar Se

Na Main Kanton Se Darta Hon

Ksi Ka Dil Dukha Dain Jo

Main Un Lafzon Se Darta Hon

Suhany Thy Jo Sab K Sab

Wo Lamhy Reh Gye Peechy

Nye Logo

Nai Baton

Nye Lamhon Se Darta Hon

Zamany Ne Yehi Mera Nirala Toor Dekha Hy

Main Gheron Se Nahi Darta

Fqat Apno Se Darta Hon

Bury Hain Jo Haqiqat Me

Mgr Zahir Me Ache Hain

ELAHI

Is Zamany Me Un Logo Se Darta Hon

Ujalon Se Muhabbat Hy

Mujhe Ye Theek Hy Lekin

Jala Daalain Jo Gulshan Ko

Main Un Kirnon Se Darta Hon

Main Qaail Hon Fqat Unka

Jo Anso Rang Ly Aain

Jo Beh Jain Fqat Yonhi

Main Un Ashkon Se Darta Hon...

Kaash Hum Tum Ajnabi Hoty

Kaash hum tum ajnabi hoty

Jis trha log hua krty hain

Be'taluq se

be ta'ruf se

Kaash hum tum ajnabi hoty

Be'qarari

na be'kali hoti

Na mukam'mal na Zindagi hoti

Yon na hoti aziyatain Dil me

Zindagi b na hoti mushkil me

Aansoun se na dosti krty

Apne Dil se na dushmani krty

Dosron ki trha hum b khush rehte

Kaash hum tum ajnabi hoty

Titliyan Q Safar Me Rehti Hain

Aably Pochty Hain Paun Se

Kya Mily ga Tumhain Wafaon Se

In Munderon Pe Kuch Chiragh B Thy

Kon Pochy ga Ab Hawaon Se

Bastiyan Zair-e-Aab Aati Gain

Hont Jalty Rahy Duaon Se

Titliyan Q Safar Me Rehti Hain

Bachiyan Pochti Hain Maaon Se

Bhook Ki Dhoop Humko Kha Jati

Bach Gye Mehnaton Ki Chaun Se

Dil Ne Hijrat Kabol Kr Li Thi

Hoosly Ho Sky Na Panu Se...

Chalo Ab Lot Aao Tum

suno tum ne kaha tha na

mujhe jazba-e-muhabbat se kabi jo tum pukaro gi

main uss din loot aaon ga

to dekho na!!

kai lamhon

kai salon

kai sadiyon

se tera rasta takti

yeh meri muntzir ankhain

mere dil ki

ye dharkan or sansain

bs tumhara naam leti hain

wohi ik wird krti hain

meri ankho k sahil pr

teri khwahish ki mojon ne

bari halchal mchai hy

teri tasveer

sookhy phool

or tohfy

teri chahat ki khushbu me

abi tak saans lete hain

wo sb rasty

k jin pr tum humaray sath chalty thy

wo sb rasty

jahan teri hansi k phol khilty thy

jahan peroon ki shakhon pr

hum apna naam likhty thy

udasi se bhary manzar

tumhary lout kr aany ki

umeedain dilaty hain

suno kuch b nahi badla

tumhary paaun ki awaz sun'ny ki

mere kamry ki be'tarteeb chezain muntazir hain

suno!!!

takmeel paati chahton ko

yon adhora to nahi choro

mujhe mat azmao tum

chalo ab lot aao tum

Choor Kr Nishaan Guzry

Chaman Ka Haal To Ye Hy

K Khaak Urti Hy

Kidhar Se Ho K Baharon K Karwan Guzry

Diyar-e-Yaar ka Sara Safar Anokha Tha

Kadam Kadam Pe Nya Dy K Imtehan Guzry

Saba B Aai To Pholon K Munh Jhulas K Gai

Yahan Se Abr B Barsa K Bijliyan Guzry

Jo Chup Rahain To Malamat Kry Zameer Humain

Khari Khari Jo Kahain

Aap Ko Giraan Guzry

Guzarny Ko To Museebat K Din Guzar Hi Gye

Bary Hi Gehre Mgr Choor Kr Nishaan Guzry

Sahi Gain Na Taghaful Ki Chnd Nazrain B

Hain Sharam'sar K Is Dil Me Kya Gumaan Guzry

Kabi To War Raqeeboon K Dy Gye Hain Maza

Kabi To Pyar Azizoon K B Giraan Guzry

Ae Dil Sambhal

K Ksi Ko Hisab Dena Hy

K Zindagani K Lamhy Kahan Kahan Guzry

ملن کی آرزو کرنا

ملن کی آرزو کرنا سفر کی جستجو کرنا

جو تم مایوس ھو جاو تو مجھ سے گفتگو کرنا

یہ اکژ ھو بھی جاتا ھے ، کہ کوئی کھو بھی جاتا ھے

مقدر کو ستاٰو گے

تو پھر یہ سو بھی جاتا ھے

اگر تم حوصلہ رکھو وفا کا سلسلہ رکھو

جو تم سے پیار کر بیٹھے تو اس سے رابطہ رکھو

میں یہ دعوے سے کھتا ھوں

کبھی ناکام نہ ھو گے

محبت کو سمجھہ جاو

کبھی بدنام نہ ھو گے

***Wo Mar Jaye Ga***

اعتبار ٹوٹے تو

اعتبار ٹوٹے تو۔۔۔!!!

درد کی رت کا دل میں ڈیڑا ھو ہی جاتا ھے

پلکوں پر اشکوں کا پہرا ھو ھی جاتا ھے

اجلے دن میں سانولا اندیھرا ھو ھی جاتا ھے

اعتبار ٹوٹے تو۔۔۔!!!!

ویرانی دیوار جان میں بسنے لگتی ھے

چلتے چلتے دل کی دھڑکن رکنے لگتی ھے

حسرتوں کی چتا میں زندگی جلنے لگتی ھے

اعتبار ٹوٹے تو۔۔۔!!!

دل کی بنیادوں میں دیمک سی لگ جاتی ھے

تنہائی سے مل کے گلے خوشی رونے لگتی ھے

آنکھ پانی برسا کے خون دل دھونے لگ جاتی ھے

اعتبار ٹوٹے تو۔۔۔!!!

پیچھے چھوڑ کے ہم کو ساتھی من کا آگے بڑھ جاتا ھے

ساتھ چلتے چلتے کو ئی اپنا پل میں بچھڑ جاتا ھے

اک پل میں ھی شاذ ۃ آباد نگر دل کا اجڑ جاتا ھے

NAm O Nishan

faslay qurb ki pehchan hua kartay hain

ٹھکانہ چاہتی ہوں

***مین تھک گیا ہون***

***شائد***

***زرا سا فرق ہوتا ہے***

ایسا ہو سکتا ہے نا

***Kya Hai***

har ek baat pe kehte ho tum ke ?too kya hai? ?

tumheeN kaho ke yeh andaaz-e-guftgoo kya hai ?

na shole meiN yeh karishma na barq meiN yeh ada

koee batao ki woh shoKH-e-tund_KHoo kya hai ?

yeh rashk hai ki wo hota hai ham_suKHan tumse

wagarna KHauf-e-bad_aamozi-e-adoo kya hai ?

chipak raha hai badan par lahoo se pairaahan

hamaaree jeb ko ab haajat-e-rafoo kya hai ?

jalaa hai jicm jahaaN dil bhee jal gaya hoga

kuredate ho jo ab raakh, justjoo kya hai ?

ragoN meiN dauDte firne ke ham naheeN qaayal

jab aaNkh hee se na Tapka to fir lahoo kya hai ?

woh cheez jiske liye hamko ho bahisht azeez

siwaay baada-e-gul_faam-e-mushkaboo kya hai ?

piyooN sharaab agar KHum bhee dekh looN do chaar

yeh sheesha-o-qadah-o-kooza-o-suboo kya hai ?

rahee na taaqat-e-guftaar, aur agar ho bhee

to kis ummeed pe kahiye ke aarzoo kya hai ?

bana hai shaah ka musaahib, fire hai itaraata

wagarna shehar meiN ?GHalib? kee aabroo kya hai ?

Aaina Kyu Na Doon

Aaina kyu na doon ke tamasha kahe jise

Aisa kaha se laau ke tujhasa kahe jise

Hasrat ne la rakha teri bazm-e-khayal me

Guldasta-e-nigaah suveda kahe jise

Phoonka hai kisne goshe mohabbat mein aye khuda

Afasuun-e-intazar tamanna kahe jise

Sar par hajum-e-dard-e-garibi se daliye

Wo ek musht-e-khak ke sahara kahe jise

Hai chashm-e-tar me hasarat-e-diidar se niha

Shauq-e-ina gusekhta dariya kahe jise

Darakar hai shiguftan-e-gul haye aish ko

Subh-e-bahar paba-e-miina kahe jise

“ghalib” bura na man jo vaiz bura kahe

Aisa bhii koii hai ke sab achchha kahe jise

Un Ke Ek Jan-Nisar Ham Bhi Hain

Un k ek jan-nisar ham bhi hain

hain jahan sau-hazar ham bhi hain

tum bhi bechain ham bhi hain bechain

tum bhi ho beqarar ham bhi hain

ai falaq kah to kya irada hai

aish k khvastagar ham bhi hain

shahar khali kiye dukan kaisi

ek hi vada-khvar ham bhi hain

sharm samajhe tere tagaful ko

vah! kya hoshiyar ham bhi hain

tum agar apni khu k ho mashuq

apne matlab k yar ham bhi hain

jis ne chaha phansa liya hamko

dil-baron k shikar ham bhi hain

kaun sa dil hai jis main dag nahin

ishq ki yadgar ham bhi hain

****Us Se Keh Dena****

Khade Hain Hijr ke Lamhaat Us Se Keh Dena

Bikhar Rahi Hai Meri Zaat Us Se Keh Dena

Hawa-e-Mausam- e-Gham Us ke Shehar Jaye To

Meri Dukhon Ki Koi Baat Us Se Keh Dena

Yeh WeHshatein Yeh Udaasi Yeh Rat Jago ke Azaab

Usi Ki Hai Yeh Inayaat Us Se Keh Dena

Bahut mushkil Bahut KatarNaak Hoti Hain

Judayion Ki Har Ik Raat Us Se Keh Dena

Wo Dil Ki Bazi Jahan Mujh Se Jeetna Chahe

Main Maan Loonga wahi Maat Us Se Keh Dena

Wafa Ki Raah Mein Main Aaj bhi Akela Hoon

Koi Nahi Hai Mere Saath Us Se Keh Dena

Alam-E-Madhoshi

hai dua yaad magar harf-e-dua yaad nahin

mere naghmat ko andaz-e-nawa yaad nahin

main ne palkon se dar-e-yaar pe dastak di hai

main wo saahil huun jise koi sada yaad nahin

main ne jin ke liye rahon mein bichaya tha lahu

ham se kahte hain wahi ahd-e-wafa yaad nahin

kaise bhar aaein sar-e-sham kisi ki ankhen

kaise tharraye charaghon ki ziya yaad nahin

sirf dhundhlaii sitaron ki chamak dekhi hai

kab hua kaun hua kis se khafa yaad nahin

zindagi jabr-e-musalasal ki tarah katti hai

jane kis jurm ki paaii hai saza yaad nahin

ao ik sajda karen alam-e-madhoshi mein

kahte hain ke Saghar ko Khuda yaad nahin

***Aadmi***

har taraf har jagah beshumar aadmi

phir bhi tanhaiyon ka shikaar aadmi

subah se shaam tak bojh dhota hua

apni hi laash ka khud mazaar aadmi

har taraf bhaagte daudhte raaste

har taraf aadmi ka shikaar aadmi

roz jeeta hua roz marta hua

har naye din naya intezar aadmi

zindagi ka mukkaddar safar dar safar

aakhri saans tak bekaraar aadmi

***Kuch Bhi Nahin***

Socha nahin achha bura, dekha suna kuch bhi nahin,

Maanga khuda say raat din, teray siva kuch bhi nahin !

Dekha tujhay, socha tujhay, chaha tujhay, pooja tujhay,

Meri khata meri wafa, teri khata kuch bhi nahin !

Maanga khuda say raat din.

Jis par hamari aankh nay moti bichayey raat bhar,

Bheja wahi kagaz usay, hamnay likha kuch bhi nahin !

Maanga khuda say raat din...

Ik shaam ki dahleez par, baithay rahey woh dher tak,

Aankhon say kee batain bahut, munh say kaha kuch bhi nahin !

Maanga khuda say raat din.

Socha nahin achha bura, dekha suna kuch bhi nahin,

Maanga khuda say raat din, teray siva kuch bhi nahin !

Bazm- e- yaraan

Waqt ki taiz rawi dekh ke dar jatey hain

Log jetey hain kuch is tarah ke mar jatey hain

Zindagaani teri azmat ko badhane wale

Muskuratey hue maqtal se guzar jatey hain

Bazm- e- yaraan ho ke dasht- e-shab- e-tanahai ho

Zakhm bharne pe jab atey hain to bhar jatey hain

Yeh shab- o- roz bhi auraq- e- pareshan ki tarah

Baarha waqt ki aandhi main bikhar jatey hain

Kitni yadoun se ulajhti hai meri tanhai

Kitne toofaan mere sar se guzar jatey hain

Door reh ker bhi kabhi shikwa- e- doori na raha

Aap hi aap hain jis samt jidhar jatey hain

Waqt nasaaz hai behtar hai ke ab lout chalain

Shaam hote hi parindey bhi to ghar jatey hain

Mohabbat Choour Di Hum Ne

Yeh tum se keh diya kis ne. . .
Kay tum bin reh nahi saktay. . .
Yeh dukh, hum seh nahi saktay. . .
Chalo, hum maan laitay hain. . .
Kay tum bin, hum buhat roye. . .
... Ke raaton ko na soye. . .
Magar, afsos hai jana. . .
Kay ab kay tum jo louto gey. . .
Humain tabdeel paao gey. . .
Buhat mayoos hogey tum. . .
Kay agar poochhna chaho kay,
Aisa kyon kiya hum ne. . .
To sunn loo ghour se jana. . .
Poorani eik riwaayat tang aa ker tor di hum ne…
Mohabbat chhour di hum ne…
Haan.
mohabbat choour di hum ne…

Khawabun Ki Tarah.

Gaye Mosam Mein Jo Khelte Thay Gulabun Ki Tarah
Dil Pe Utrenge Wohi Khawaab Azaabun Ki Tarah,

Raakh Kay Dher Pe Ab Raat Basar Karni Hai
Jal Chuke Hain Mere Khayme Mere Khawabun Ki Tarah,

Saa`at-e-Deed Kay Aariz Hain Gulabi Ab Tak
Awleen Lamhun Kay Gulnaar Hijabun Ki Tarah,

Woh Samundar Hai To Pher Rooh Ko Shadab Kare
Tashnagi Kiyoon Mujhe Deta Hai Saraabun Ki Tarah,

Gair Mumkin Hai Tere Ghar K Gulabun Ka Shumaar
Mere Riste Howe Zakhmun Kay Hisabun Ki Tarah,

Yaar To Hongi WOh Baaten Tujhe Ab Bhi Lekin
Shelf Mein Rakhi Howi Band Kitaabun Ki Tarah,

Kon Jaane Naye Saal Mein Tu Kis Ko Parhe
Tera Mayaar Badalta Hai Nisaabun Ki Tarah,

Sokh Ho Jaati Hai Ab Bhi Teri Aankhun Ki Chamak
Gaahe Gaahe Tere Dilchasb Sawaalon Ki Tarah,

Hijar Ki Shab Ki, Meri Tanhai Pe Dastak De Gi
Teri Khushbu, Mere Khoye Howe Khawabun Ki Tarah.

***Tmam Shud***

Ankhon say khawab dil say tamana tamam shud
tum kaya gaay k shok e nazara tamam shud.

Kal tere tashanagaan say ya kaya mojaza howa.
Darya pay hont rakhay to darya tamam shud.

Dunya to ek baraf ki sil say sewa na thi
punchi zara c anch to dunya tamam shud.

Ushaq pay ya ab k ajab waqat aan para
mujnu k dil say hasrat e lala tamam shud.

Ek yaad e yaar he to pas e andaz ha hasan
warna wo kar e isak to kab ka tamam shud.

****Zinda****

Tumhare dum se hum zinda, hamare dum se gham zinda..
Kisi ke tum maseeha ho, kisi ke hum maseeha hain...

***Aaina***

Dekhna accha nahin zaanu pe rakh kar aaina
Dono naazuk hain na rakho aainey per aaina
Ho nahin sakta tere rukh ke barabar aaina
Rashk se apna kahan phhorrey muqaddar aaina
Mounh na dekha ghussey mein tum ne bohat accha kia
Dekh sakta kia ye chitwan kia ye tevar aaina
Lan tarani dekhna kehte hain wo kis naz se
Aaj aaye to muqabil mein chamak kar aaina
Surkh doray nashey ke aankhon mein dete hain baha
Sabab hai kaifiat koi dekhey pi kar aaina
Kam sini ki yaad aati hai tumhari saadgi
Ab sirakta hi zaanu se dum bhar aaina
Wasl mein youn so rahe hain phir subha ko jaag kar
Mere mounh per un ka mounh tha un ke mounh per aaina
Raushni dekhi nahin jati kisi suurat se bhi
Ghut ke mounh rehta hai tera aur barh kar aaina
Jab se wo khud bee'n huay hain qatl karne ko mere
Aap mein talwar hai jauhar mein khanjar aaina
Aaj to ye thehri ke dekhen kaun hai hasrat zada
Raat bhar hum un ka mounh dekhen wo din bhar aaina
Dekhna bhi hai dikhaana bhi haseeno ko hai shart
Is mein bazi le gaya hai banda parwar aaina
Shkal apni dekhta hai naz se aik ik hasee'n
Apne ghar mein ban gaya hai husn ka ghar aaina
Wo jo khud bee'n hain to hon ae "Dagh" tu jalta hai kyun
Saamne un ke rahega aainey per aaina..

Dil Hai Ainaa-E-Hairat

Dil hai ainaa-e-hairat se do-chaar aaj kii raat
Gam-e-dauran main hai aks-e-Gam-e-yaar aaj kii raat

Dil hai ainaa-e-hairat ko daaman se havaa detii hai
diidanii hai ravish-e-mauj-e-bahaar aaj kii raat

aaj kii raat kaa mahamaa hai malbuus-e-hariir
is chaman-zaar main ugate hain sharar aaj kii raat

main ne farahad kii aaGosh main shiriain dekhii
main ne paravez ko dekhaa sar-e-daar aaj kii raat

jo chaman sarf-e-Khizaan haain vo bulaate hain mujhe
mujhe fursat nahe ai jaan-e-bahaar aaj kii raat

dar-e-yazadain pe bhii jhukatii nahiain is vaqt jabiain
mujh se ankhain na lara aaj kii raat

mashaal-e-sher kaa laayaa hun charhavaa
jagamagaatain haain shahiidon ke mazaar aaj kii raat

Fursat-E-Gunah

Donon jahaan teri mohabbat mein haar ke

Woh jaa raha hai koi shab-e-gham guzaar ke

Viraan hai maikada khum-o-saaghar udaas hain

Tum kya gaye ke ruth gaye din bahaar ke

Ek fursat-e-gunah mili woh bhi chaar din

Dekhe hain hum ne hausle parwardigaar ke

Duniya ne teri yaad se begaana kar diya

Tujh se bhi dilfreb hain gham rozgaar ke

Bhule se muskra ke diye woh aaj Faiz

Mat puchh walwale dil-e-nakarda kaar ke

Fursat-E-Gunah

Donon jahaan teri mohabbat mein haar ke

Woh jaa raha hai koi shab-e-gham guzaar ke

Viraan hai maikada khum-o-saaghar udaas hain

Tum kya gaye ke ruth gaye din bahaar ke

Ek fursat-e-gunah mili woh bhi chaar din

Dekhe hain hum ne hausle parwardigaar ke

Duniya ne teri yaad se begaana kar diya

Tujh se bhi dilfreb hain gham rozgaar ke

Bhule se muskra ke diye woh aaj Faiz

Mat puchh walwale dil-e-nakarda kaar ke

پاکستانی بیچ کر

شہر کی صورت میں اپنی راجدھانی بیچ کر
دو نوالے ہی ملے آنکھوں کا پانی بیچ کر

اپنی بوڑھی ماں کی خاطر ایک بیٹی شہر سے
لے کے آئ ہے دوا لیکن جوانی بیچ کر

سچ کہاں لکھے گا میرے دور کا تاریخ دان
جب وہ اپنا پیٹ بھرتا ہے کہانی بیچ کر

پوچھا جو میں نے حکمران کی امیری کا سبب
ملا جواب ۔۔۔ ابھی آیا ہوں امریکہ میں پاکستانی بیچ کر

Lachari

Arey parbat, tu kal tak jis ki lachari pe hansta tha...
Teri chooti pe baitha he wahi besaakhiyan le ker.

Parwarash-E-Loh-O-Qalam

Hum parwarash-e-loh-o-qalam karte rahenge

Jo dil pe guzarti hai raqam karte rahenge

talkhi-e-ayyaam baham karte rahenge

Viraani-e-dauraan pe karam karte rahenge

Haan talkhi-e-ayyaam abhi aur barhe gi

Haan ahl-e-sitam mashq-e-sitam karte rahenge

Manzur yeh talkhi yeh sitam hum ko gawaara

Dam hai to madaawa-e-alam karte rahenge

Maikhana salaamat hai to hum surkhi-e-mai se

Tazzain-e-dar-o-baam-e-haram karte rahenge

Baqi hai lahu dil mein to har ashk se paida

Rang-e-lab-o-rukhsar-e-sanam karte rahenge

Ek tarz-e-taghaaful hai so woh unko mubaarak

Ek arz-e-tamanna hai so hum karte rahenge

Tlash Krta Tha

Ajeeb hijr parasti thi us ki fitrat main,
Shajar k tootty patty talash krta tha.

Tamam raat wo pardy hata k chand k sath,
Jo kho gaye thy wo lamhy tlash krta tha.

Duaen krta tha ujry hoiy mazaron pr,
Bary ajeb sahary tlash krta tha.

Mje to aj btaya hy badlon ne "wasi"
Wo lot any k rasty tlash krta tha

Baad-E-Naubahaar

Gulon mein rang bhare baad-e-naubahaar chale

Chale bhi aao ke gulshan ka kaarobaar chale

Qafas udaas hai yaaro saba se kuchh to kaho

Kahin to bahr-e-Khuda aaj zikar-e-yaar chale

Kabhi to subah tere kunj-e-lab se ho aaghaz

Kabhi to shab sar-e-kaakul se mushakbaar chale

Bara hai dard ka rishta yeh dil gharib sahi

Tumhare naam pe aaenge baad-e-naubahaar chale

Jo hum pe guzri so guzri magar shab-e-hijraan

Hamaare ashk teri aaqbat sanwaar chale

Maqaam Faiz koi raah mein jacha hi nahin

Jo kue yaar se nikle to sue daar chale

Us Ko Bura Lagay

Guzray dinon ki yaad barasti ghata lagay,
Guzrun jo us gali say to thandi hawa lagay…

Mehman ban k aaye kisi roz agar wo shakhs
Us roz bin sajaye mera ghar saja lagay…

Main is liyay manata nahi wasl ki khushi
Meray raqeeb ki naa mujay bad-dua lagay…

Wo qehat dosti ka para hai k in dinon
Jo muskura k baat karay aashna lagay…

Tark-e-wafa k baad ye us ki adaa Qateel
Mujh ko sataye koi to us ko bura lagay…

Use Kehna

Usy Kehna........!!
Fasly Tu Barha Rahy Ho,,
Mager Itna Zehan Main Rakhna,,
Muhabbat Bar Bar Insan Per,,
mehrban Nahi Hoti........♥

Qurbaniyan

Laakh ujre huwe hon Shehzaade, Sir se sultaaniyan Nahi Jaatin,
Lashker-e-Zulm thak gaya Mohsin, Apni Qurbaniyan nahi Jaatin.

Khuwahish

KhuwahAb Ki Baar Ek Ajab Si Khuwahish Jagi Hai ...ღ


Koi Toot Ke Chahe , Or Main Bewafa Nikloon ...ღ

زندگی

ہر چیز انسان کی سمجھ میں نہیں آسکتی ۔انسان زندہ ہونے کے باوجود زندگی کو نہیں سمجھ سکا۔پھر وہ مرے بغیر موت کو کیسے سمجھ سکتا ہے۔

تمہی تک ہوں

نہ جانے کون سی حدوں تک ہے میری چاہت کا یہ سلسلہ

بس اتنا جان لو ، میں وابستہ بس تم سے تمہی تک ہوں

Sakoot-e-Lab Meri Baat Se Ziada Hai

Sakoot-e-Lab meri baat se ziada hai
Tera Firaaq teri mulaqat se ziada hai

Yeh ik shikast jo humko hoi Mohabbat mein
Zamane bhar ki Fatoohat se ziada hai

Umeed Tere aanay ki aaj kam hai magar
Mere dil ka Dard b kal raat se ziada hai

Mein Tum se Mohabbat to ker betha hon Mohsin
Magar yeh silsila meri Aokat se ziada hai...

روح تک کو رُلا گیا

وہ جسے سمجھتے تھے زندگی، میری دھڑکنوں کا فریب تھا
مجھے مسکرانا سکھا کے وہ میری روح تک کو رُلا گیا

خوشبو کا سفر دیکھے گا

اب کے رت بدلی تو خوشبو کا سفر دیکھے گا کون
زخم پھولوں کی طرح مہکیں گے پر دیکھے گا کون


دیکھنا سب رقص بسمل میں مگن ہو جائیں گے
جس طرف سے تیر آئے گا ادھر دیکھے گا کون


زخم جتنے بھی تھے سب منسوب قاتل سے ہوئے
تیرے ہاتھوں کے نشاں اے چارہ گر دیکھے گا کون


وہ ہوس ہو یا وفا ہو بات محرومی کی ہے
لوگ تو پھل پھول دیکھیں گے شجر دیکھے گا کون


ہم چراغ شب ہی جب ٹھہرے تو پھر کیا سوچنا
رات تھی کس کا مقدر اور سحر دیکھے گا کون


ہر کوئی اپنی ہوا میں مست پھرتا ہے فراز
شہر نا پرساں میں تیری چشم تر دیکھے گا کون

Tarmeem Mat Karna

Mohabbat ke kahani main koe tarmeem mat karna..
Mujhay tor dana par mujhay taqseem mat karna..

Bohat hongey hamaray baad dawa-e-mohabbat karney walay..
Yaad-e- wafa rakhna kisi ko tasleem mat karna..

Agar lafzon main aaye nazar chehra ''Mara''
Chupkay say choom lana toheen mat karna..

Dhoond Lao

Mujhe Apni Zarurat Par Gayi Hai
Suno Muje Kahin Se Dhondh Lao.

Tumhyn Kis Ny Kha Tha

Ajib Tarz-E-Mulaqat Ab K Bar Rahi

 Ajib tarz-e-mulaqat ab k bar rahi

tumhin the badle hue ya meri nigahen thin

tumhari nazron se lagta tha jaise meri bajaye

tumhare ghar main koi aur shakhs aya hai

tumhare ohad ki denen tumhen mubarak

so tum ne mera swagat usi tarah se kiya

jo afsaran-e-hukumat k aitaqad main hai

takallufan mere nazdik a k baith gaye

phir ehtamam se mausam ka zikr cher diya

kuch us k bad siyasat ki bat bhi nikli

adab par bhi koi do char tabsare faramaye

magar na tum ne hamesha ki tarah ye pucha

kya waqt kaisa guzarta hai tera jan-e-hayat

pahar din ki aziyat main kitni shiddat hai

ujar rat ki tanhai kya qayamat hai

shabon ki sust rawi ka tujhe bhi shikwa hai

gam-e-firaq k qisse nishat-e-wasl ka zikr

rawayatan hi sahi koi bat to karte

***Lekin Rehney Do***

Saarey waadon ko bhula saktI hun,
lekin rehne do..!
Main tumhein chor k ja saktI hun,
lekin rehne do..!
Tum jo har morr pe keh daitey ho
... khuda hafiz,
faisla mein bhi suna sakti hun,
lekin rehne do..!
Tum ne jo baat ki dil ko dukhaney
wali,
us per main muskura b saktI hun,
lekin rehne do..!
Sharam aaye gi tumhein
warna tumharey waaday,
main tumhein yaad dila saktI hun,
lekin rehne do....!!!

Phir Merey Shehr Se Guzra Hai Wo Badal ki Trhan

***Guraizan Na Howa Kar***

Guraizan Na Howa Kar
Ujray Howay Logon Say Guraizan Na Howa Kar
Halaat Ki Qabron Kay Katbay Bhi Parha Kar


Kia Janiye Kiun Taiz Hawa Soch Main Gum Hai
Khawabeeda Parindon Ko Darakhton Say Ura Kar


Us Sakhs Kay Tum Say Bhi Marasim Hain To Hon Gay
Woh Jhoot Na Bolay Ga Mairay Samnay Aa Kar


Ab Dastakain Day Ga Tu Kahan Kay Gham-E-Ahbaab
Main Nay To Kaha Tha Kay Mairay Dil Main Raha Kar


Har Waqt Ka Hansna Tujhay Barbaad Na Kar Day
Tanhai Kay Lamhon Main Kabhi Ro Bhi Liya Kar


Woh Aaj Bhi Sadiyon Ki Musafat Pay Khara Hai
Dhonda Tha Jisay Waqt Ki Dewaar Gira Kar


Ay Dil Tujhay Dushman Ki Pehchan Kahan Hai
Tu Halqa-E-Yaaran Main Bhi Muhtaat Raha Kar


Main Mar Bhi Chuka, Mil Bhi Chuka Moj-E-Hawa Main
Ab Rait Kay Seenay Pay Maira Naam Likha Kar


Pehla Sa Kahan Ab Mairi Raftaar Ka Alam
Ay Gardish-E-Doran Zara Tham Kay Chala Kar


Ik Rooh Ki Faryaad Nay Chonka Diya Mujhay
Tu Ab To Mujhhay Jism Kay Zindan Say Riha Kar


Iss Shabb Kay Muqaddar Main Sehar Hi Nahi Mohsin
Daikha Hai Kai Baar Charaghon Ko Bujha Kar